Şu gün Azerbaýjan Respublikasynyň Prezidenti Ilham Aliýew Türkmenistanyň Halk Maslahatynyň Başlygy Gurbanguly Berdimuhamedow bilen telefon arkaly söhbetdeş boldy.

Azerbaýjanyň Prezidentiniň Metbugat gullugynyň berýän habaryna görä, söhbetdeşlikde Gurbanguly Berdimuhamedowyň golaýda Azerbaýjana amala aşyran sapary we onuň çäklerinde geçirilen pikir alyşmalar barada kanagatlanma bilen bellenildi.

Türkmenistanyň Halk Maslahatynyň Başlygy Gurbanguly Berdimuhamedow we Prezident Ilham Aliýew iki ýurduň arasyndaky dost-doganlyk gatnaşyklaryň ösmegine ünsi çekdiler. Telefon söhbetdeşliginde «Awaza» milli syýahatçylyk zolagynda ýakynda geçirilen BMG-niň Deňze çykalgasy bolmadyk ösüp barýan döwletler boýunça üçünji maslahatynyň ähmiýeti bellendi. Azerbaýjanyň Prezidenti Gurbanguly Berdimuhamedowy bu çäräniň üstünlikli gurulmagy bilen gutlady. Şeýle-de Prezident Ilham Aliýewiň ABŞ-a sapary wagtynda gol çekilen resminamalar barada durlup geçildi. Türkmenistanyň Halk Maslahatynyň Başlygy Gurbanguly Berdimuhamedow Ilham Aliýewi we Azerbaýjanyň halkyny taryhy şertnamalaryň baglaşylmagy bilen gutlady.

Prezident Ilham Aliýew Türkmenistanyň Prezidenti Serdar Berdimuhamedowa mähirli salamyny ýetirmegi haýyş etdi.

Telefon arkaly geçirilen söhbetdeşlikde geljekki hyzmatdaşlyk meseleleri barada pikir alyşmalar boldy.